لندن ۃلاہور(این این آئی)سابق بھارتی اسپنر ہربھجن سنگھ نے اوول میں آسٹریلیا اور بھارت کے درمیان ورلڈ ٹیسٹ چیمپئن شپ 2023ء کے فائنل کے دوران اپنے حسنِ سلوک سے پاکستانیوں کے دل جیت لیے۔ہربھجن سنگھ کی لندن کے اوول کرکٹ گرائونڈ سے سوشل میڈیا پر ایک ویڈیو وائرل ہو رہی ہے، اس ویڈیو میں اْنہیں وہاں موجود ایک معذور پاکستانی مداح کو آٹو گراف دیتے ہوئے دیکھا جا سکتا ہے۔
اس وائرل ویڈیو کو سوشل میڈیا صارفین کی جانب سے بہت پسند کیا جانے لگا اور بھارتی کرکٹر کے حسنِ اخلاق پر ان کی خوب تعریفیں بھی کی گئیں ۔واضح رہے کہ ہربھجن سنگھ نے 103 ٹیسٹ، 236 ایک روزہ اور 28 ٹی ٹوئنٹی میچز میں بین الاقوامی سطح پر بھارت کی نمائندگی کی ہے۔اْنہوں نے 103 ٹیسٹ میچز میں ٹوٹل 417، 236، ایک روزہ میچز میں ٹوٹل 269، 28 اور ٹی ٹوئنٹی میچز میں ٹوٹل 25 وکٹیں حاصل کیں۔ اْنہوں نے اپنیٹیسٹ کرکٹ کے کیریئر کی ٹوٹل 417 وکٹوں میں سے 95 وکٹیں آسٹریلیا کے خلاف حاصل کی تھیں۔
