ریاض(این این آئی)سعودی عرب میں ایک طالبہ کی گریجوایشن کی ڈگری لینے کے موقعے پر اس کی والد کی طرف سے بیٹی کو خوشی سے لگے لگانے کی ویڈیو سوشل میڈیا پر وائرل ہو رہی ہے۔

میڈیارپورٹس کے مطابق سوشل میڈیا پر تیزی کے ساتھ مقبول ہونے والی اس ویڈیو پر صارفین کی طرف سے گریجویشن کرنے والی لڑکی کو مبارک باد پیش کی ہے اور اس کے ساتھ ساتھ اس کے والد کی طرف سے خوشی کے اظہار کو والد کی پدرانہ شفقت کی عمدہ مثال قرار دیا ہے۔

بیٹی کی گریجویشن کی تقریب میں موجود بزرگ سعودی شہری نے بیٹی کو مبارک باد دینے کے لیے گل دستہ تھام رکھا تھا۔ انہوں نے بیٹی کو گل دستہ پیش کیا۔سوشل میڈیا صارفین نے بزرگ شہری کے اس اقدام کی تعریف کرنے نے ساتھ ساتھ گریجویشن کرنے والی سعودی لڑکی کو مبارک باد پیش کی ہے۔

ایک صارف نے لکھا کہ بزرگ بڑے باپ ہوتے ہیں اور بیٹی باپ جیسی ہی نظر آتی ہے، چاہے وہ کتنی ہی بوڑھی کیوں نہ ہو۔ایک اور نے مزید کہا کہ باپ اپنی بیٹی کی طاقت میں طاقت، اس کی استقامت میں ثابت قدمی اور ہر قدم پر اس کا حامی ہوتا ہے۔ اسے پیار سے گلے لگاتا ہے اور اسے پوری گرمجوشی کے ساتھ آگے بڑھاتا ہے۔سعودی جامعات، صنعتی اداروں، کالجوں اور اسکولوں میں اس وقت تعلیمی سال کے اختتام کے قریب طلبا کی گریجویشن کے کانوکیشن منعقد ہو رہے ہیں۔

صنعاء(این این آئی)یمنی زمینوں کو بارودی سرنگوں سے پاک کرنے کے سعودی منصوبے مسام نے مئی کے مہینے کے دوران بین الاقوامی طور پر تسلیم شدہ حکومت کے زیر کنٹرول علاقوں میں جنگ کے تقریبا 7 ہزار دھماکہ خیز مواد کو ہٹانے اور تباہ کرنے کا انکشاف کیا۔

میڈیارپورٹس کے مطابق پراجیکٹ کے میڈیا سینٹر نے اپنی ماہانہ رپورٹ میں کہا کہ تکنیکی ٹیموں نے مئی 2023 کے مہینے میں 3,989 بارودی سرنگیں، نہ پھٹنے والے آرڈیننس اور دھماکہ خیز آلات کو صاف کیا۔ اس طرح اس سال کے آغاز سے کلیئر ہونے والے دھماکہ خیز مواد پر مبنی اشیا کی کل تعداد 20 ہزار 465 ہوگئی ہے۔

رپورٹ میں مزید کہا گیا کہ گزشتہ ماہ کلیئر کیے گئے 3,239 غیر پھٹنے والے آرڈیننس، 674 اینٹی ٹینک بارودی سرنگیں، 48 اینٹی پرسنل بارودی سرنگیں، 28 دھماکہ خیز آلات کے علاوہ یمنی علاقے کے 10 لاکھ 71 ہزار 569 مربع میٹر رقبہ کو صاف کردیا گیا ہے۔انہوں نے بتایا کہ اسی مہینے کے دوران پراجیکٹ ٹیموں نے مجموعی طور پر بارودی سرنگوں، نہ پھٹنے والے آرڈیننس اور دھماکا خیز آلات کو تباہ کرنے کے لیے 2 ہزار 877 آپریشن کیے۔

ماریب گورنری کے ضلع حریب میں 14 بارودی سرنگوں کو محفوظ بنایا اور ایک فارم کو محفوظ بنایا ہے۔پراجیکٹ ٹیموں نے مسلسل چوتھے مہینے بھی شبوا گورنریٹ کے اسیلان ضلع میں حید بن عاقل کے علاقے میں آثار قدیمہ کے اہم ترین علاقوں میں بارودی سرنگوں کو محفوظ کرنے اور ہٹانے کا عمل جاری رکھا۔ اس علاقے کی تاریخ چوتھی صدی قبل مسیح کی ہے۔رپورٹ میں اشارہ کیا گیا ہے کہ جون 2018 کے آخر میں مسامپروجیکٹ کے آغاز سے اب تک کل 4 لاکھ 70 دھماکہ خیز اشیا کو کلیئر کیا گیا ہے۔

ان اشیا میں بارودی سرنگیں، نہ پھٹنے والا اسلحہ اور ایک دھماکہ خیز ڈیوائس شامل ہے۔ پروجیکٹ کے آغاز سے اب تک 4 کروڑ 64 لاکھ 39 ہزار 132 مربع میٹر رقبہ کو بارودی مواد سے پاک بنایا گیا۔حوثی ملیشیا جنگ کے تمام فریقوں میں واحد فریق ہے جو مختلف اقسام اور سائز کی بارودی سرنگیں اور دھماکہ خیز آلات نصب کرتی ہے۔ انسانی حقوق کی رپورٹوں سے پتہ چلتا ہے کہ حوثی ملیشیا نے 20 لاکھ سے زیادہ بارودی سرنگیں بچھائی ہیں جس سے 20,000 سے زیادہ شہری ہلاک اور زخمی ہوئے ہیں۔

واشنگٹن (این این آئی)امریکی خاتون اول جل بائیڈن نے مصر کی سب سے بڑی دی ی درس گاہ جامعہ الازہر کا دورہ کیا۔ اس دورے کے موقعے پر یونیورسٹی کی صدر پروفیسر ڈاکٹر سلامہ داد نیامریکی خاتون اول کو وزٹ کرایا۔

میڈیارپورٹس کے مطابق جامعہ الازھر کے دورے کے دوران لی گئی تصاویر میں جل بائیڈن اسلامی روایات کا احترام کرتے ہوئے اسکارف پہنے نظر آئیں۔مصری صدر عبدالفتاح السیسی اور ان کی اہلیہ نے امریکی خاتون اول کا استقبال کیا جو اردن کے ولی عہد شہزادہ حسین بن عبداللہ دوم اور شہزادی رجوہ کی کی شادی میں شرکت کے بعد اردن سے دو روزہ دورے پر قاہرہ پہنچی تھیں۔جل بائیڈن نے مصری صدر کی اہلیہ مسز انتظار السیسی کا مصر میں پرتپاک استقبال پر شکریہ ادا کیا۔

جِل بائیڈن نے سماجی رابطے کی ویب سائٹ ٹوئٹر پر اپنے آفیشل پیج پر لکھا کہ دنیا کی ماں مصر میں پرتپاک استقبال کے لیے آپ کا شکریہ۔قاہرہ میں امریکی سفارت خانے نے ایک پریس بیان میں کہا ہے کہ مصر جل بائیڈن کے ایک ہفتے کے دورے کا دوسرا پڑا ہے جس میں خطے کے 4 ممالک شامل ہیں۔ امریکی صدر جو بائیڈن اور ان کی اہلیہ نے اردن کے ولی عہد اور ان کی اہلیہ شہزادی رجوہ الحسین کو ان کی شادی کی تقریب کے موقع پر مبارکباد دی تھی۔ امریکی خاتون اول اردنی شاہی خاندان کی طرف سے خصوصی دعوت پر عمان پہنچی تھیں۔