لاہور ( این این آئی) مسلم لیگ (ن) کے قائد وسابق وزیراعظم نوازشریف کی حلقہ این اے 130 سے کاغذات کی منظوری کے خلاف اپیل سماعت کے لئے مقرر ہوگئی۔جسٹس رسال حسن سید بدھ نوازشریف کے کاغذات نامزدگی منظوری کے خلاف اپیل پر سماعت کریں گے،
اپیل پاکستان عوامی محاذ کے سربراہ اشتیاق چودھری ایڈووکیٹ نے دائر کی۔درخواست گزار کا موقف ہے کہ نوازشریف کو سپریم کورٹ نے تاحیات نااہل قراردیا، نوازشریف الیکشن لڑنے کے اہل نہیں، ریٹرننگ افسر نے حقائق کے برعکس نوازشریف کے کاغذات منظور کئے، نوازشریف کے کاغذات نامزدگی مسترد کرکے نااہل قرار دیا جائے۔
