اسلام آباد(این این آئی)سابق وفاقی وزیر خزانہ مفتاح اسماعیل نے کہا ہے کہ آئی ایم ایف کے پاس جانیوالا کوئی ملک ترقی نہیں کر سکتا،پاکستان کواس وقت بڑا چیلنج آئی ایم ایف اور مہنگائی ہے ،2023کے مقابلے 2024معاشی لحاظ سے بہتر ہو گا۔نجی ٹی وی کے پروگرام میںگفتگوکرتے ہوئے مفتاح اسماعیل نے کہاکہ آئی ایم ایف جانے کامطلب بیمار کا ڈاکٹر کے پاس جانا ہے ،ملکی معیشت میں موجود بیماریوں کا علاج کرنا پڑیگا۔
انہوں نے کہاکہ آئی ایم ایف کے پاس جانیوالا کوئی ملک ترقی نہیں کر سکتا۔سابق وزیرخزانہ نے کہاکہ پاکستان کواس وقت بڑا چیلنج آئی ایم ایف اور مہنگائی ہے ،ملک کی مڈل کلاس کی معاشی حالت ٹھیک کرناپڑیگی، نوکری پیشہ افراد اپنے بچوں کی کفالت نہیں کر پا رہے ،مہنگائی کوکنٹرول کرنے کیلئے مزید ایک ڈیڑھ سال لگے گا۔انہوںنے کہاکہ2023کے مقابلے 2024معاشی لحاظ سے بہتر ہو گا، جنوری سے جون2023ملک ڈیفالٹ کے قریب تھا،جنوری سے جون 2023ملکی معاشی صورتحال خراب تھی ،شہبازشریف نے جون میں معاملات اپنے ہاتھ میں لیے، شہبازشریف نے ایم ڈی آئی ایم ایف سے ملاقات کی جس کے بعد معاشی صورتحال بہترہونا شروع ہوئی۔
