ریاض(این این آئی) سعودی عرب کی عدالت نے سرکاری اسپتال کے ڈاکٹر کو مریض کی ہلاکت کا ذمہ دار قرار دیتے ہوئے طبی غلطی پر ورثا کو دیت ادا کرنیکا حکم دے دیا۔سعودی میڈیا کی رپورٹ کے مطابق دل کے مرض میں مبتلا ایک شخص کا مکمل طبی معائنہ کیے بغیر ڈاکٹر نے اسے صرف دردکش دوا دے کر گھر بھیج دیا تھا۔
مریض گھر پہنچنے کے فوری بعد درد کی شدت سے چل بسا تھا، سعودی عدالت نے طبی کمیٹی کی جائزہ رپوٹ کی روشنی میں ڈاکٹر کے خلاف غلطی ثابت ہونے پر اسے دیت ادا کرنے کا حکم دیا ہے۔ورثا کے وکیل کا کہنا تھا کہ اس کیس میں ڈاکٹر سے جو غلطی ہوئی وہ پیشہ ورانہ نوعیت کی تھی جس میں ڈاکٹر کو مرض کے بارے میں تحقیق نہ کرنے تک اپنی رائے نہیں دینی چاہیے تھی۔
