راولپنڈی (این این آئی)سابق وزیرِ اعلیٰ پنجاب چوہدری پرویز الہٰی نے عام انتخابات میں عوامی مسلم لیگ کے سربراہ شیخ رشید کی حمایت کا اعلان کر دیا۔پرویز الہٰی اور شیخ رشید کی میڈیا نمائندگان سے عدالت میں غیر رسمی گفتگو ہوئی۔

اس موقع پر شیخ رشید نے کہا کہ میں حلقہ 56 اور 57 سے الیکشن لڑوں گا، میں پرویز الہٰی کا مشکور ہوں جنہوں نے میرا ساتھ دیا ہے۔انہوں نے کہا کہ میں عوامی مسلم لیگ کی جانب سے الیکشن لڑوں گا، میں نے کسی کے خلاف پریس کانفرنس نہیں کی۔شیخ رشید نے کہا کہ خوشی ہے کہ پی ٹی آئی میرے ساتھ این اے 56 اور 57 میں کھڑی ہے۔