اسلام آباد (این این آئی)بجلی گرنے کے واقعات کی بروقت پیش گوئی کرنے والے موسمیاتی ڈیٹیکٹرز پاکستان کو مل گئے۔ڈی جی محکمہ موسمیات مہر صاحب زاد خان نے بتایا ہے کہ چین نے 10 لاکھ ڈالرز مالیت کے 25 موسمیاتی ڈیٹیکٹرز بلا معاوضہ دیے ہیں، چینی آلات بجلی گرنے کے واقعات کی بروقت پیش گوئی کر سکیں گے۔
مہر صاحب زاد خان کے مطابق موسمیاتی ڈیٹیکٹرز پورے ملک میں نصب کر رہے ہیں، چین سے 14 ہزار کلومیٹر رینج والا ریڈار بھی لے رہے ہیں۔انہوں نے بتایا کہ نئے آلات موسمیاتی تبدیلیوں کے سبب قدرتی آفات کی بروقت نشاندہی کریں گے۔انہوںنے کہاکہ تھر پارکر میں بجلی گرنے کے واقعات میں متعدد افراد اور سینکڑوں مویشی ہلاک ہوئے ہیں۔
