لاہور( این این آئی)پاکستان کرکٹ ٹیم کے نوجوان بیٹر صائم ایوب کو آسٹریلیا کے خلاف سیریز کے لئے اسکواڈ میں شامل کیے جانے کا امکان ہے۔قومی ٹیم کے چیف سلیکٹر وہاب ریاض نے راولپنڈی کرکٹ اسٹیڈیم میں پاکستان کپ کا فائنل میچ دیکھا جہاں انہوں نے میچ کے بعد نوجوان بیٹر صائم ایوب سے ملاقات بھی کی ہے۔وہاب ریاض کی ملاقات کے بعد اس بات کا امکان ظاہر کیا جا رہا ہے کہ صائم ایوب کو دورہ آسٹریلیا میں ٹیم کا حصہ بنایا جاسکتا ہے۔ یاد رہے کہ دورہ آسٹریلیا کے لیے قومی اسکواڈ کا اعلان آئندہ ہفتے کیا جاے گا۔
