کوئٹہ (این این آئی)بلوچستان میں بڑاسیاسی اتحاد بننے کا امکان ہے۔ذرائع کے مطابق مسلم لیگ ن کے قائد نواز شریف جلد بلوچستان کا دورہ کریں گے۔ ذرائع کا کہنا ہے کہ بلوچستان عوامی پارٹی (بی اے پی)، جمعیت علمائے اسلام (جے یو آئی)اور مسلم لیگ ن میں اتحاد کا امکان ہے۔

ذرائع نے بتایاکہ اتحاد ہونے پر تینوں جماعتیں مل کر بلوچستان میں الیکشن لڑیں گی اور وزیر اعلی بلوچستان کے حوالے سے فیصلہ مذاکرات میں ہوگا۔ذرائع کے مطابق بی اے پی کے جام کمال ن لیگ کے وزیراعلی بنانے کی شرط پرپارٹی میں شامل ہوسکتے ہیں جبکہ جے یو آئی نے عبدالغفورحیدری کو وزیراعلی بلوچستان بنانیکی شرط رکھ دی ہے۔خیال رہے کہ ملک میں 8 فروری کو عام انتخابات ہوں گے جس میں قومی اور صوبائی اسمبلیوں کے ارکان کا انتخاب کیا جائے گا۔