آسٹریلوی خاتون کرکٹر کو ان کے اپنے ہی کتے کے کاٹ لیا، بی بی ایل سے باہر

سڈنی (این این آئی)کتے کے کاٹنے نے آسٹریلین ویمن کرکٹر ایلیسا ہیلی کو ویمن بگ بیش لیگ سے باہر کر دیا۔آسٹریلیا کی قائم مقام کپتان اور سڈنی سکسرز کی وکٹ کیپر بیٹر ایلیسا ہیلی کو چند روز قبل ان کے اپنے ہی کتے نے کاٹ لیا تھا اس حوالے سے بتایا گیا تھا کہ ایلیسا ہیلی اپنے ہی کتوں کی لڑائی چھڑوا رہی تھیں کہ اس دوران ایک کتے نے ان کے ہاتھ کی انگلی پر کاٹ لیا۔

کتے کے کاٹنے کے بعد ایلیسا ہیلی کا فوری طور پر آپریشن ہوا تاہم انجری کے باعث ایلیسا ہیلی ویمن بگ بیش لیگ سے باہر ہو گئیں۔ایلیسا ہیلی نے کہاکہ یہ ایسی خبر ہے جس کی مجھے امید نہیں تھی، مجھے سڈنی سکسرز سے پیار ہے، میں ویمن بی بی ایل کھیلنا چاہتی تھی تاہم اب میرا فوکس جلد فٹ ہونے پر ہے، اس دوران میں ٹیم کے ساتھ رہوں گی۔