لاہور ( این این آئی) شدید معاشی بحران کا شکار قومی ائیر لائن (پی آئی اے) کا فلائٹ آپریشن انتہائی محدود کر دیا گیا جس کے تحت جمعہ کے روز بھی مقامی اور بین الاقوامی 58 پرواز یں منسوخ کر دی گئیں۔ترجمان پی آئی اے کے مطابق ادارے کا آپریشن انتہائی محدود کر دیا گیا ہے، صرف نفع بخش اور انتہائی ضروری سیکٹر کی انٹرنیشنل پروازوں کو ہر صورت بحال رکھا گیا ہے۔
انہوں نے بتایا کہ اندرون ملک پروازیں نہ ہونے کے برابر ہیں، مقامی چھوٹے سٹیشنز کی خسارے کی پروازیں زیادہ منسوخ کی جا رہی ہیں۔ترجمان پی آئی اے کے مطابق منسوخ کی جانے والی پروازوں میں کراچی آنے جانے کی 22پروازیں بھی شامل ہیں جبکہ 11دن میں پی آئی اے کی منسوخ پروازوں کی تعداد 538 ہو گئی ہے۔
جمعہ کے روز کراچی اسلام آباد کی تمام 7پروازیں پی کے 300، پی کے 301، پی کے 308اور پی کے 309، پی کے 368، پی کے 369، پی کے 319، کراچی سے لاہور کی 4پروازیں پی کے 302، پی کے 303، پی کے 304، پی کے 305، منسوخ ہو ئیں۔اس کے علاوہ کراچی سے بہاولپور کی پروازیں پی کے 588، پی کے 589اور کراچی سے رحیم یار خان کی پی کے 582، پی کے 583، کراچی سے کوئٹہ کی پی کے 310، پی کے 311، کراچی سے سکھر کی پی کے 536، پی کے 537 اور کراچی سے ملتان کی پی کے 330 بھی اڑان نہیں بھر سکیں ۔
ادھر کراچی سے دبئی جانے والی پی کے 213، دمام سے کراچی کی پی کے 242 منسوخ ہو گئی ۔لاہور سے جدہ کی پی کے 759، بحرین کی پی کے 189، پی کے 190، دبئی کی پی کے 203، صلالہ کی پی کے 129 پی کے 130، دمام کی پی کے 247 اور پی کے 248 بھی منسوخ کر دی گئی ۔سیالکوٹ سے دبئی کی پی کے 179، مسقط کی پی کے 281، پی کے 282، سیالکوٹ کیلئے جدہ سے پی کے 746 اور کویت سٹی سے پی کے 240 منسوخ کی گئی ۔
