لاہور (این این آئی) پاکستان مسلم لیگ (ن) کے مرکزی رہنما اور سابق وزیرداخلہ رانا ثناء اللہ نے کہا ہے کہ ہمارا بیانیہ عام آدمی سے ہٹ کر نہیں ہوسکتا۔ نجی ٹی وی سے گفتگو میں رانا ثنا ء اللہ نے کہاکہ ہمارا بیانیہ عام آدمی سے ہٹ کر نہیں ہوسکتا۔
انہوں نے کہاکہ جب تک عوام کا نہیں سوچیں گے ہماری بات نہیں سنی جائے گی۔ ایک اور سوال پر انہوںنے کہاکہ مسلم لیگ (ن) کے دور اقتدار میں ہمیشہ ملک میں ترقی ہوئی ، نوازشریف نے دہشتگردی ، لوڈشیڈنگ کا خاتمہ کیا اور مسلم لیگ (ن)کے دور میں مہنگائی کم ہوئی ، اگر مسلم لیگ (ن) کی حکومت آئی تو عوام کو روز گار کے مواقع میسر ہونگے ۔
