واشنگٹن (این این آئی)امریکی ڈیفنس سکیورٹی اینڈ کوآپریشن ایجنسی نے سعودی عرب کو 500 ملین ڈالر کے ممکنہ فوجی ہتھیاروں کے پیکج کی منظوری کا اعلان کیا ہے جس کی تفصیلات کانگریس کو بھیجی جا رہی ہے۔
غیرملکی خبررساں ادارے کے مطابق پینٹاگون ایجنسی نے ایک بیان میں کہا کہ یہ مجوزہ فروخت امریکا کی خارجہ پالیسی اور قومی سلامتی کے اہداف کی حمایت کرے گی۔انہوں نے اشارہ کیا کہ یہ مجوزہ پیکج سعودی عرب کی موجودہ اور مستقبل کے خطرات کا مقابلہ کرنے کی صلاحیت کو مضبوط بنائے گا۔
