لاہور( این این آئی)نامور اداکارہ ریشم نے کہا ہے کہ زمین کے ساتھ جڑے رہنا مجھے بہت اچھا لگتا ہے اورمجھے زمین کے رنگ بے حد پسند ہیں ۔ ایک انٹر ویو میں اداکارہ نے کہا کہ میں خود سے محبت کرتی ہوں لیکن اتنی نہیں کرتی بلکہ اپنے اردگرد لوگوں سے زیادہ پیار کرتی ہوں ۔

ریشم نے کہا کہا کہ مجھے خوشبو بہت اچھی لگتی ہے اور میرے پاس بڑی تعداد میں پرفیومز ہیں ۔ ریشم نے کہا کہ میں ہر سال صرف پیسوں کی زکوۃ نہیں کرتی بلکہ اپنے کپڑوں کی بھی زکوۃ کرتی ہوں ، اپنے بہترین کپڑے بھی مستحق خواتین میں تقسیم کر دیتی ہوں ۔