کراچی(این این آئی)پاکستان پیپلزپارٹی کے چیئرمین بلاول بھٹوزرداری کی بڑی ہمشیرہ بختاور بھٹو زرداری کے بعد آصفہ بھٹو زرداری نے بھی بہن کے نقشِ قدم پر چلتے ہوئے ٹک ٹاک پر انٹری دے دی۔شہید محترمہ بے نظیر بھٹو کا عکس ان کی سب سے چھوٹی صاحبزادی آصفہ بھٹو زرداری نے سوشل میڈیا پلیٹ فارم ایکس (سابق ٹوئٹر)پر اس حوالے سے پوسٹ شیئر کی اور فالوورز کو اپنے نئے ٹک ٹاک اکائونٹ کو فالو کرنے کا کہا اور ساتھ ہی لکھا کہ بلآخر ٹک ٹاک جوائن کرلیا۔

مختصر دورانیے کی ویڈیو شیئرنگ پلیٹ فارم ٹک ٹاک پر آصفہ بھٹو زرداری نے 20 سیکنڈ کی ایک ویڈیو بھی شیئر کی ہے جس کے آغاز میں لکھا ہوا ہے کہ ترقی و خوشحالی کا پیغام لئے چیئرمین بلاول بھٹو زرداری کے ساتھ شاملِ کاروان ہیں بی بی آصفہ بھٹو زرداری۔مذکورہ ویڈیو کے کیپشن میں انہوں نے شہید ذوالفقار علی بھٹو کا ایک قول بھی شیئر کیا ہے کہ سیاست کی جنت عوام کے قدموں تلے ہے۔