لاہور( این این آئی)اوگرا نے ستمبر کے لیے ایل این جی کی قیمتوں میں اضافے کا نوٹیفکیشن جاری کر دیا۔نوٹیفکیشن کے مطابق ایل این جی کی قیمتوں میں 0.39 ڈالر فی ایم ایم بی ٹی یو تک اضافہ کیا گیا ہے،

سوئی ناردرن کے لئے ایل این جی کی قیمتوں میں 0.34 ڈالر فی ایم ایم بی ٹی یو جبکہ سوئی سدرن کے لئے ایل این جی کی قیمت میں 0.39 ڈالر فی ایم ایم بی ٹی یو اضافہ کیا گیا۔پنجاب اور خیبرپختونخوا ہ کے صارفین کیلئے ایل این جی کی نئی قیمت 12.83 ڈالر فی ایم ایم بی ٹی یو مقرر کی گئی ہے۔اوگرا کی طرف سے بلوچستان اور سندھ کے صارفین کے لئے ایل این جی کی نئی قیمت 13.36 ڈالر فی ایم ایم بی ٹی یو مقرر کی گئی ہے۔