کراچی(این این آئی)نگراں وفاقی حکومت نے قومی ایئرلائن پی آئی اے کو عبوری ریلیف دینے کا فیصلہ کیاہے۔ذرائع نے بتایا کہ مالی مشکلات کے شکار پی آئی اے کے لیے اچھی خبر ہے کہ حکومت کی جانب سے ادارے کو عبوری ریلیف ملنے والا ہے۔
حکومت نے پاکستان انٹرنیشنل ایئرلائن کو عبوری ریلیف دینے کے لیے اقدامات مکمل کر لیے ہیں، بینکوں کو حکومت پاکستان کی جانب سے دی گئی ہدایات کے باعث اب قومی ایئرلائن کو فنڈز کا اجرا ہوگا۔یہ فنڈز طیاروں کی لیز، انجن، پرزہ جات اور ہینڈلنگ کی ادائیگیوں کے لیے استعمال ہوں گے، واضح رہے کہ پی آئی اے اس وقت قرضوں اور سود کی ادائیگیوں کی وجہ سے شدید مالی مشکلات کا شکار ہے۔
