مانچسٹر(این این آئی)یاسمین ڈار مانچسٹر کی پہلی پاکستانی نژاد مسلم خاتون لارڈ مئیر منتخب ہوگئیں، یاسمین ڈار کے خلاف کسی نے ووٹ نہیں ڈالا۔یاسمین ڈار کا کہنا تھا کہ وہ مانچسٹر میں دوسروں کو بااختیار بنائیں گی۔
میڈیارپورٹس کے مطابق پاکستان نژاد کونسلر یاسمین ڈار ڈونکاسٹر میں پیدا ہوئیں لیکن ان کی پرورش مانچسٹر میں ہوئی ہے۔دوسری جانب کونسلر اختر زمان بولٹن سٹی کونسل کے ڈپٹی لیڈر منتخب ہوگئے، اختر زمان کا تعلق ضلع گجرات سے ہے۔کونسلر راجہ محمد ایوب خان میئر آف بولٹن منتخب ہوئے، کونسلر ایوب خان کا تعلق آزاد کشمیر کے ضلع کوٹلہ سے ہے۔ادھر کونسلر حاجی محمد فیاض نے چرویل ڈسٹرکٹ کونسل بانمبری آکسفورڈ کے میئر کا حلف اٹھا لیا ہے۔
