لاہور (این این آئی)برطانیہ کی جانب سے پاکستانی ایئرپورٹس کیلئے جدید اسکیننگ مشینوں کا تحفہ ،جدیداسٹیٹ آف آرٹ اسکیننگ مشین علامہ اقبال انٹر نیشنل ایئرپورٹ لاہور پر نصب کردی گئی، برطانوی ہائی کمشنر لاہور ایئرپورٹ پر باضابطہ طور پر افتتاح کریں گی۔
شاہد قادر ڈائریکٹر سیکیورٹی سی اے اے نے کہا کہ برطانوی سیکیورٹی ایجنسی ڈی ایف ٹی کی جانب سے جدید ٹیکنالوجی سے آراستہ بیگجز مشین تحفہ کے طور پر دی گئی ہیں ،جدید مشین مسافروں کے سامان کے ساتھ ساتھ جہاز کیلئے نقصان دہ آلات اور بارودی مواد کو جانچنے کی صلاحیت بھی رکھتی ہے،کراچی کے بعد لاہور میں بھی جدید اسکین مشین کا نظام ایئرپورٹ سیکیورٹی فورس کے حوالے کردیا جائے گا،برطانیہ کی ڈی ایف ٹی کی جانب سے کراچی کے بعد لاہور ایئرپورٹ پر یہ مشین نصب کی گئی ہے۔
