لندن(این این آئی)سابق وزیرِ خزانہ اسحاق ڈار نے کہا ہے کہ جو معاشی تباہی ہوئی ہے وہ ایک سال میں ٹھیک نہیں ہو سکتی۔گزشتہ روز میڈیا سے گفتگو کرتے ہوئے اسحاق ڈار نے کہا کہ (ن)لیگ نے اپنے دورِ حکومت میں بیرونی ادائیگیاں وقت پر کیں، 2013 میں پاکستانی معیشت کا برا حال تھا، بجلی نہیں تھی،

دہشتگردی تھی تاہم نواز شریف کی قیادت میں ہم نے پاکستان کو دنیا کی 24ویں بڑی معیشت بنایا۔انہوں نے کہا کہ (ن)لیگ کی حکومت نے لوڈشیڈنگ ختم کی اور دہشتگردی کا خاتمہ کیا، ہم نے پہلے بھی کرکے دکھایا،اگر اللہ تعالی نے آئندہ موقع دیا تو پھر پاکستان کو مشکلات سے نکالیں گے۔اسحاق ڈار نے کہا کہ پاکستان کے ڈیفالٹ کا منترہ ہمیشہ کے لیے ختم ہو گیا ہے، نگران حکومت تمام پالیسیوں کو لے کر چلے تو ملک بہتر ہوگا۔