اسلام آباد(این این آئی) وزارت توانائی نے بجلی کے بلوں کے مسئلہ پر تجاویز کو حتمی شکل دے دی۔ وفاقی وزیر اطلاعات و نشریات مرتضی سولنگی کے ٹویٹ کے مطابق بجلی کے بلوں کے حوالے سے اعلی سطحی اجلاس پیر کو وزارت توانائی میں منعقد ہوا جس میں بجلی کے بلوں کے مسئلہ پر تجاویز کو حتمی شکل دی گئی۔
یہ تجاویز کل وفاقی کابینہ کے اجلاس میں پیش کی جائیں گی جبکہ حتمی فیصلہ وفاقی کابینہ کرے گی۔ اجلاس میں فیصلہ کیا گیا کہ فیصلے اور تجاویز منظوری کے لئے وفاقی کابینہ کے اجلاس میں پیش کی جائیں گی کیونکہ ان تجاویز اور فیصلوں کی منظوری کی مجاز صرف وفاقی کابینہ ہے۔
