ہمنٹوٹا (این این آئی)قومی کرکٹ ٹیم کے فاسٹ بولر نسیم شاہ نے گزشتہ روز افغانستان کو دوسرے ون ڈے میں ہرانے کے بعد پہلی پوسٹ شیئر کی ہے جس میں جیت کے بعد خوشی کا اظہار کرتے ہوئے دیکھا گیا نسیم شاہ نے اپنے انسٹاگرام اکانٹ پر ایک تصویر شیئر کی ہے جس میں انہیں حارث رف کے ہمراہ جیت کے بعد خوش ہوتے ہوئے دیکھا جا سکتا ہے۔
فاسٹ بولر نسیم شاہ نے اس پوسٹ کے کیپشن میں اپنی پرفارمنس کو شاداب خان اور قومی کرکٹ ٹیم کو وقف کرتے ہوئے لکھا ہے کہ یہ جیت پاکستان کے سب ہی کرکٹ شائقین کے لیے ہے۔انہوں نے اپنی اس پوسٹ کے آخر میں کرکٹر امام الحق حق کو بھی سراہا ہے۔یاد رہے کہ گزشتہ روز افغانستان کا پاکستان کے خلاف ون ڈے میچ جیتنے کا خواب پھر ادھورا رہ گیا۔
سنسنی خیز مقابلے کے بعد پاکستان نے افغانستان کو ایک وکٹ سے ہرا کر 3 میچوں کی سیریز میں دو صفر کی برتری حاصل کرلی ہے۔نسیم شاہ ایک مرتبہ پھر افغانستان کے سامنے دیوار بن گئے، افغانستان کا دیا گیا 301 رنز کا ہدف پاکستانی ٹیم نے آخری اوور میں حاصل کر لیا، حارث رف اور نسیم شاہ نے آخری اوور میں 11 رنز بنائے اور جیت پاکستان کے حصے میں ڈال دی۔خیال رہے کہ گزشتہ روز افغانستان نے ون ڈے کرکٹ میں پہلی مرتبہ پاکستان کے خلاف 300 کا ہندسہ عبور کیا تھا۔
