واشنگٹن(این این آئی)امریکی پولیس نے 98 سالہ خاتون کے گھر پر چھاپا مارا جس کے کچھ دیر بعد خاتون کی موت کی خبر سامنے آگئی۔غیرملکی میڈیا کے مطابق 98 سالہ خاتون مقامی اخبار کی شریک مالک تھیں اور ان کی موت کی وجہ پولیس چھاپے کے دوران پیدا ہونے والے تنا کو بتایا جارہا ہے۔
کینساس میں پولیس نے 11 اگست کو ایک سرچ وارنٹ کی بنیاد پر معمر خاتون جان مائر کے گھر پر چھاپہ مارا تھا۔ پولیس چھاپے کے 24 گھنٹے سے بھی کم وقت کے بعد جان مائر کی موت دل کا دورہ پڑنے سے ہوئی۔خاتون کے بیٹے ایرک نے کہا کہ چھاپے کے نتیجے میں پیدا ہونے والا تنا ماں کی موت کا باعث بن گیا۔بوڑھی خاتون کے گھر پر چھاپہ مارنے کی ویڈیو انٹرنیٹ پر بھی وائرل ہوگئی ہے۔
مقامی اخبار کی خاتون پبلشر کو پولیس افسروں کو یہ کہتے ہوئے سنا جا سکتا ہے کہ میرے گھر سے نکل جا، میں تمہیں اپنے گھر میں نہیں دیکھنا چاہتی، ان چیزوں میں سے کسی کو بھی ہاتھ مت لگا، یہ تم کیا کر رہے ہو؟ یہ پرسنل پیپرز ہیں، یہاں سے چلے جا۔غیرملکی میڈیا کے مطابق اخبار کے دفتر اور سٹی کونسل کے ایک رکن کے گھر پر بھی اسی دن چھاپا مارا گیا تھا
جب ایک مقامی ریستوران کے مالک نے دعوی کیا تھا کہ ماریون کانٹی ریکارڈ اخبار نے غیر قانونی طور پر اس کے بارے میں معلومات حاصل کی تھیں۔مقامی اخبار نے رپورٹ کیا ہے کہ مائر حد سے زیادہ گھبراہٹ میں تھیں اور انہوں نے چھاپے کے بعد گھنٹوں صدمے اور غم میں گزارے اور اسی صدمے میں وہ چل بسیں۔
