اسلام آباد (این این آئی) نگراں وزیراعظم کی تقرری کا معاملہ آخری مراحل میں داخل ہوگیا۔ لیگی قائد نواز شریف نے نگراں وزیراعظم کا نام فائنل کرکے اپویشن لیڈر سے ملاقات تک نگراں وزیراعظم کے نام کو ظاہر نہ کرنے کی ہدایت کردی۔تفصیلات کے مطابق سابق وزیراعظم و لیگی قائد نواز شریف نے آصف زرداری، فضل الرحمن اور شہباز شریف سے نگران وزیراعظم کے لئے مشاورت مکمل کرلی ہے ،

نواز شریف نے ابتدائی طور پر شہباز شریف کو 3 نام بھجوائے تھے جن میں سے ایک نام پر اتفاق کرلیا گیا ہے، نواز شریف نے اپویشن لیڈر سے ملاقات تک نگراں وزیراعظم کا نام ظاہر نہ کرنے کی ہدایت کی ہے۔وزیراعظم شہباز شریف اپوزیشن لیڈر سے آئندہ 36 گھنٹے میں ملاقات کریں گے، جس کے بعد اتفاق رائے کی صورت میں نگراں وزیراعظم کے نام کا اعلان کیا جائے گا، اتفاق رائے نہ ہونے پر نام الیکشن کمیشن کو بجھوائے جائیں گے۔اپوزیشن لیڈر سے نگران وزیراعظم کے نام پر اتفاق رائے نہ ہونے پر اسمبلی تحلیل کے باوجود شہباز شریف وزیراعظم برقرار رہیں گے، الیکشن کمیشن میں نام کے اعلان تک وزیراعظم کا عہدہ ان ہی کے پاس رہے گا۔