لاہور( این این آئی)ٹیکنالوجی کمپنی گوگل کے مطابق پاکستان میں تیار کردہ ڈیجیٹل ایپلی کیشن ڈائون لوڈ کرنے کے لحاظ سے پاکستان 2023میں 16ویں نمبر پر آگیا ہے۔کمپنی کے مطابق اس سے قبل 2018 میں پاکستان 27ویں نمبر پر تھا،2022میں پاکستان میں تیار کردہ ڈیجیٹل ایپ کو دنیا بھر میں 4ارب بار ڈائون لوڈ کیا گیا ہے۔
ٹیکنالوجی کمپنی گوگل کے مطابق 2022 میں 24 پاکستانی ڈیولپرز کی 65گیمنگ ایپس، پلے سٹور اور ایپ سٹور کی ٹاپ 10کی فہرست تک پہنچ گئی ہیں۔2022 میں پاکستان میں تیار کردہ ایپس کو دنیا بھر میں حیران کن طور پر 4 ارب بار ڈائون لوڈ کیا گیا، یعنی 2018 سے 2020 تک پاکستان کی ایپ ڈائون لوڈ کی تعداد میں ہر سال 30 فیصد اضافہ ہوا۔
گوگل کے مطابق حال ہی میں پاکستان کے شہر لاہور میں پہلی اور سب سے بڑی آف لائن ایپ اور گیمز سے متعلق ایونٹ کا انعقاد کیا گیا جس میں 500 سے زائد ڈویلپرز اور انڈسٹری لیڈرز نے شرکت کی تاکہ پاکستانی ایپس اور گیمز کو عالمی سطح پر بڑھانے کے بارے میں معلومات حاصل کی جاسکیں۔
