ریاض(این این آئی )ایک سعودی خاندان نے اپنے بنگلہ دیشی گھریلو ملازم کی شادی دھوم دھام سے کرادی ۔ خوشی اور مسرت کے اس موقع پر گھر سے لے کر شادی کی تقریب کے مقام تک تمام امور میں بڑھ چڑھ کر حصہ لیا۔
شادی کی تقریب کی ویڈیوز اور تصاویر وائرل ہوئیں تو تو لوگوں نے بڑے پیمانے پر اس اقدام کی تعریف کی اور بنگلہ دیشی ورکز جھیر کی خوشیوں میں حصہ ڈالا۔میڈیارپورٹس کے مطابق ویڈیو کلپ سعودی عرب کے مختلف مواصلاتی پلیٹ فارمز پر وسیع پیمانے پر پھیل گیا۔ ویڈیو کلپ میں سعودیوں نے اپنے ورکر کے لیے خوشی کا اظہار کیا گیا۔ بنگلہ دیشی نژاد جھیر نے زبردست خوشی کے درمیان سعودی لباس اور بشت بھی زیب تن کیا۔
سوشل میڈیا پر متحرک افراد نے ویڈیو پر رد عمل کا اظہار کیا اور اسے ایک خوبصورت اور انسانی اقدام قرار دیا۔ لوگوں نے دولہا کے لیے ازدواجی زندگی میں کامیابی کے لیے دعائیں بھی کیں۔سماجی کارکن حسن بصر نے بات کرتے ہوئے کہا کہ یہ ایک خوبصورت انسانی اقدام ہے۔ اس اقدام میں تعاون کرنے والے ہر فرد کا شکریہ ادا کیا جاتا ہے، سعودی خاندان نے اپنے گھریلو ملازم کی شادی کا جشن منایا یہ دوسروں کے لیے بھی قابل تقلید عمل ہے۔
