لاہور( این این آئی)پاکستان مسلم لیگ (ن) کی سینئر نائب صدر و چیف آرگنائزر مریم نواز دبئی سے وطن واپس پہنچ گئیں۔مریم نواز سخت سکیورٹی کے حصار میں ائیر پورٹ سے اپنی رہائشگاہ جاتی امرا ء رائیونڈ پہنچیں۔
مریم نواز عید الاضحی سے قبل دبئی سے لندن کے لئے روانہ ہوئیں تھیں، انہوں نے کچھ دن دبئی میں بھی قیام کیا تھا اور بعدازاں اپنے والد اور سابق وزیر اعظم نواز شریف کے ہمراہ لندن میں عید منائی، لندن قیام کے دوران انہوں نے والد کے ساتھ ملکی سیاسی صورتحال پر اہم مشاورت بھی کی۔مریم نواز اپنے والد کے ہمراہ دوبارہ دبئی پہنچیں جہاںسے وہ اتوار کی علی الصبح وطن واپس پہنچ گئیں۔
