لاہور( این این آئی)نامور اداکارہ عائشہ عمر نے کہا ہے کہ میرے نزدیک سیرت اور ذہانت کسی بھی شخص کو جاننے کا اصل پیمانہ ہے جبکہ خوبصورتی اضافی خوبی ہے ،میرا شمار ان خوش نصیب لوگوں میں ہوتا ہے جو کسی بھی شعبے میں محنت کر کے انتہائی کم مدت میں اپنا نام اور مقام پیدا کرتے ہیں۔
ایک انٹر ویو میں اداکارہ نے کہا کہ آج کے دور میں لوگوں نے ایک چہرے پر کئی نقاب اوڑھ رکھے ہوتے ہیں اور ایسے میں چہرہ شناسی کوئی آسان کام نہیں ۔ میں دل کی صاف ہو ں اور میرے نزدیک سیرت اور ذہانت کسی بھی شخص کو جاننے کا اصل پیمانہ ہے اور میں خوبصورتی کو اضافی خوبی سمجھتی ہوں ۔ عائشہ عمر نے بتایا کہ کئی پراجیکٹس میں کام کر رہی ہوں اور میں اب تک کئے گئے اپنے کام سے مطمئن ہوں ۔ آئندہ بھی بھرپور محنت جاری رکھوں گی اور میری کوشش ہے کہ مجھے جو مقام ملا ہے اسے اپنے کام کی بدولت بر قرار رکھوں ۔
