اسلام آباد (این این آئی)سابق وزیرِ اعظم، چیئرمین پی ٹی آئی کے پرنسپل سیکریٹری اعظم خان نے قومی احتساب بیورو (نیب ) کے سامنے پیش ہوکر 190 ملین پائونڈ کیس میں بیان ریکارڈ کرایا ہے۔نیب کی جانب سے اعظم خان کو تحقیقات کیلئے جمعہ کی صبح 10 بجے طلب کیا گیا ۔
واضح رہے کہ برطانوی کرائم ایجنسی (این سی اے) کے 190 ملین پائونڈ اسکینڈل کے معاملے پر نیب راولپنڈی نے سابق وزیرِ اعظم، چیئرمین پی ٹی آئی کے پرنسپل سیکریٹری اعظم خان کو طلب کیا تھا۔نیب نے اعظم خان کو طلبی کا نوٹس جاری کیا تھا اور انہیں راولپنڈی دفتر میں بلایا تھا۔نیب کے نوٹس میں اعظم خان کو کیس سے متعلق دستاویزات بھی ہمراہ لانے کی ہدایت کی گئی تھی اور کہا گیا تھا کہ بطور گواہ نیب میں اپنا بیان ریکارڈ کروائیں۔
