اسلام آباد (این این آئی)پاکستان میں سالانہ بنیاد پر مہنگائی 48فیصد سے بھی تجاوز کر گئی۔ وفاقی ادارہ شماریات کے مطابق گزشتہ ہفتے مہنگائی میں 0.27 فیصد اضافہ ہوا ہے۔رپورٹ کے مطابق گزشتہ ہفتے مہنگائی میں 0.27فیصد اضافہ،23اشیائے ضروریہ مہنگی ہوئیں،
ٹماٹر، گڑ، گندم کا آٹا، چائے، آلو، بیف، پاوڈر ملک، انڈے، چاول، دال مسور، واشنگ سوپ سمیت 23اشیائے ضروریہ کی قیمتوں میں اضافہ ریکارڈ کیا گیا۔وفاقی ادارہ شماریات کے اعداد وشمار کے مطابق اس عرصے کے دوران چکن، پیاز، لہسن، کیلے، دال چنا، ایل پی جی سمیت سات اشیا کے نرخ میں معمولی کمی ہوئی۔
