کوہستان (این این آئی)کوہستان میں جیپ کھائی میں گرنے سے خاتون اور بچے سمیت 6 افراد جاں بحق اور تین زخمی ہوگئے ہیں۔ڈی پی او کوہستان مختار خان کے مطابق جیپ کولئی سے پالس جا رہی تھی اس دوران ہلال ڈیرہ کے مقام پر گاڑی گہری کھائی میں جا گری۔حادثے میں خاتون اور بچے سمیت 6 افراد جاں بحق اور 3 زخمی ہو گئے۔جاں بحق ہونے والوں میں ایک ہی خاندان کے 3 افراد بھی شامل ہیں۔جاں بحق ہونے والے افراد کی لاشوں اور زخمیوں کو پٹن ہسپتال منتقل کر دیا گیا ۔
