لاہور( این این آئی) ٹی وی کی خوبرو اداکارہ نیلم منیر نے کہا ہے کہ اگر کسی شخص میں آگے بڑھنے اور منزل پانے کا جذبہ ہو تو دنیا کی کوئی طاقت اس کے راستے کی رکاوٹ نہیں بن سکتی ،ہر گزرتے دن کے ساتھ نیاتجربہ ملتاہے جس سے شخصیت اور کام میںپختگی آتی ہے ۔
ایک انٹر ویو میں اداکارہ نے کہا کہ حالیہ چند سالوںمیں ڈرامہ انڈسٹری نے بے پناہ ترقی کی ہے جبکہ پاکستانی ڈراموںنے اپنے معیار کی وجہ سے ہمسایہ ملک کے ڈراموں کاسحرتوڑ دیا ہے ۔ انہو ںنے کہاکہ جوبھی نیا پراجیکٹ سائن کرتی ہوںاس کیلئے خوب سوچ بچارکے ساتھ ساتھ اپنے قریبی دوستوںسے مشاورت بھی کرتی ہوں ۔ ہمیشہ نیک نیتی اور لگن سے کام کیا ہے اور اس کاصلہ مجھے کامیابی کی صورت میںملا ہے ۔ اداکارہ نے کہاکہ کوئی بھی شخص پرفیکٹ نہیں ہوتا بلکہ ہر گزرتے دن کے ساتھ اس کے کام اور شخصیت میں پختگی آتی ہے او رمیں بھی اسی جانب گامزن ہوں۔
