اسلام آباد(این این آئی)وزیر اعظم کے مشیر سیاسی امور رانا ثناء اللہ نے کہا ہے کہ پانی کے معاملے پر بھارت کو اس بار جیسا ہی جواب دیا جائے گا۔ایک انٹرویو میں رانا ثناء اللہ نے کہا کہ بھارت نے پہلگام واقعے کی تحقیقات کے بغیر حملہ کیا ہے۔انہوں نے کہا کہ پاکستان نے کہہ دیا تھا، اگر ہماری سالمیت پر حملہ ہوا تو جواب دیں گے، ہمارے جواب کے بعد نریندر مودی نے سیز فائر کی درخواست کی۔مشیر وزیراعطم نے کہاکہ بھارت کو پانی کے معاملے پر بھی ایسا ہی جواب دیا جائے گا جیسا اس بار دیا گیا۔انہوںنے کہاکہ کشمیر کا معاملہ تو ہر قیمت پر سامنے رکھا جائے گا، مسئلہ کشمیر عالمی سطح پر دوبارہ اجاگر ہوا ہے، پہلے تو مودی اس پر بات کیلئے تیار ہی نہیں تھے۔
