بانی پی ٹی آئی کو عدالت رہا کرتی ہے تو حکومت کو کوئی اعتراض نہیں، رانا ثناء اللہ

اسلام آباد(این این آئی)وزیراعظم کے مشیر برائے سیاسی امور رانا ثناء اللہ نے کہاہے کہ بانی پی ٹی آئی کو عدالت رہا کرتی ہے تو حکومت کو کوئی اعتراض نہیں۔ایک انٹرویو میں راناثناء اللہ نے کہاکہ بانی پی ٹی آئی اپنے مقدمات کی وجہ سے جیل میں ہیں۔انہوںنے کہاکہ بانی پی ٹی آئی اپنی ضمانت ہائی کورٹ یا سپریم کورٹ سے کرواسکتے ہیں۔راناثناء اللہ نے کہاکہ قومی سلامتی کمیٹی کے اجلاس میں علی امین گنڈاپور پر پولیس اور سی ٹی ڈی کو مضبوط بنانے پر زور دیا گیا۔مشیروزیراعظم نے کہاکہ خیبر پختونخوا میں آپریشن ہو رہا ہے، انٹیلیجنس بیسڈ آپریشنز کبھی نہیں رکے۔انہوںنے کہاکہ کہ یہ آپریشن آخری دہشت گرد کے خاتمے تک جاری رہے گا۔