لاہور( این این آئی)سابق وزیر اعلیٰ پنجاب حمزہ شہباز شریف سے پارٹی کی سینئر رہنما تہمینہ دولتانہ نے اپنے صاحبزادے سابق رکن پنجاب اسمبلی عرفان دولتانہ کے ہمراہ ملاقات کی ۔ اس موقع پر سیاسی اور مجموعی صورتحال پر تبادلہ خیال کیا گیا ۔ حمزہ شہباز شریف نے کہا کہ پوری قوم دہشتگردی کے خلاف جنگ میں اپنی افواج کے شانہ بشانہ ہے ، ہماری بہادر افواج دہشتگردی کا قلع قمع کریں گی ،دہشتگردوں کا ہر جگہ پیچھا کیا جائے گا۔ انہوں نے کہا کہ حکومت نے بروقت اور مشکل فیصلوں سے معیشت کو ڈیفالٹ سے نکال کر استحکام کی جانب گامزن کر دیا ۔
