لاہور( این این آئی)چیئرمین پاکستان کرکٹ بورڈ محسن نقوی نے نیشنل ٹی ٹونٹی ٹورنامنٹ میں ڈومیسٹک کرکٹرز کی میچ فیس کم کرنے کا نوٹس لے لیا ۔ ترجمان پی سی بی کے مطابق چیئرمین پی سی بی نے نیشنل ٹی ٹونٹی ٹورنامنٹ میں کھلاڑیوں کی میچ فیس کم کرنے سے منع کر دیا۔چیئرمین پی سی بی محسن نقوی نے نیشنل ٹی ٹونٹی ٹورنامنٹ کھیلنے والے ڈومیسٹک کرکٹرز کے معاوضے کم کرنے سے روک دیا۔ چیئرمین پی سی بی محسن نقوی نے اس ضمن میں ڈائریکٹر ڈومیسٹک کرکٹ عبداللہ خرم نیازی کو ہدایات جاری کر دیں۔ چیئرمین پی سی بی نے نیشنل ٹی ٹونٹی ٹورنامنٹ میں تمام ٹیموں کے کھلاڑیوں کے لئے میچ فیس کم کرنے سے فوری طور پر روکتے ہوئے تمام کھلاڑیوں کی میچ فیس پر فوری نظرثانی کے احکامات جاری ۔
