لاہور( این این آئی)ملک کے مختلف حصوں میں ذخیرہ اندوزی اور گرانفروشی کے باعث چینی کی قیمت 185روپے فی کلو تک پہنچ گئی ۔بتایا گیاہے کہ شہر میں چینی ہول سیل سطح پر 160 سے 165 روپے فی کلوگرام فروخت ہو رہی ہے جبکہ پرچون سطح پر مختلف مقامات پر چینی کی قیمت 180 سے 185 روپے فی کلوتک پہنچ گئی ہے۔یوٹیلیٹی اسٹورز پر چینی کی قیمت 153 روپے فی کلوگرام مقرر کی گئی ہے جبکہ حکومت کے زیر انتظام بازاروں میں چینی کی قیمت یوٹیلیٹی اسٹورز سے بھی مہنگی ہے۔
