اسلام آباد(این این آئی)وفاقی وزیر مملکت سینیٹر طلال چوہدری نے دعویٰ کیاہے پی ٹی آئی کے ایک درجن ارکان پارلیمنٹ، پارٹی پالیسی سے متفق نہیں اور وہ علیحدہ گروپ بنانے کے خواہشمند ہیں۔نجی ٹی وی پروگرام سے گفتگوکرتے ہوئے وزیرمملکت نے وزیر داخلہ محسن نقوی کے اقدامات کی تعریف کرتے ہوئے کہا کہ محسن نقوی کام کررہے ہیں، ان کے دور میں پرامن کرکٹ ایونٹ ہوا، انڈر پاس ریکارڈ مدت میں مکمل ہوا۔انہوں نے کہا کہ گزشتہ سال میں 20 ارب ڈالر کی منشیات پکڑی گئی، افغان شہریوں سے متعلق فیصلے میں دہشت گردی اور ڈرگ کا عنصرشامل ہے۔طلال چوہدری نے کہا کہ بھارت کیخلاف ہماری ٹیم ایسا کھیلی جیسے ٹیپ بال کی ٹیم ہو۔
