اسلام آباد(این این آئی)سینیٹر فیصل واوڈا نے کہا ہے کہ ارشد شریف قتل کیس کھلنا ہے اور بڑے بڑے لوگ شکنجے میں آئیں گے،فیض حمیدکوبانی پی ٹی آئی کی بطوروزیراعظم پشت پناہی تھی،ان کا کورٹ مارشل ہوگا۔نجی ٹی وی پروگرام میں گفتگوکرتے ہوئے سینیٹرفیصل واوڈانے کہاکہ ارشد شریف کو دوستی میں مارا گیا، وہ جتنا اسٹیبلشمنٹ سے قریب تھے اتنا ہی پی ٹی آئی کے قریب تھے، گٹھ جوڑ ملے گا تو اس میں بہت کچھ ملے گا اور میں پہلے دن سے کہہ رہا ہوں ان کو قتل کیا گیا ہے۔انہوںنے کہاکہ بانی پی ٹی آئی کو یہ نہیں پتہ تھا کہ ارشد شریف کا قتل ہونا ہے لیکن یہ پتہ تھا کچھ ہونا ہے، میں نے ارشد شریف کے قتل میں بانی پی ٹی آئی کا نام نہیں لیا، مراد سعید کیوں چھپا ہوا ہے؟۔فیصل واوڈانے کہاکہ بانی پی ٹی آئی کے ہوتے ہوئے 9مئی کی منصوبہ بندی ہوئی۔انہوںنے کہاکہ فیض حمید کو بانی پی ٹی آئی کی بطور وزیراعظم پشت پناہی تھی ، اس لئے وہ طاقتور تھے اور ان کا کورٹ مارشل ہوگا۔
