لاہور ( این این آئی )جنوبی افریقہ کو شکست دے کر پاکستان ون ڈے کرکٹ ٹیم رینکنگ میں دوسرے نمبر پر آگیا، بھارت پہلے اور آسٹریلیا تیسرے نمبر پر ہیں۔آئی سی سی ون ڈے ٹیم رینکنگ میں پاکستان ٹیم 111پوائنٹس کے ساتھ دوسرے نمبر پر آگئی، آسٹریلوی ٹیم اتنے ہی پوائنٹس کے ساتھ تیسرے نمبر پر ہے۔آئی سی سی ون ڈے رینکنگ میں بھارتی ٹیم 119پوائنٹس کے ساتھ سرفہرست ہے، نیوزی لینڈ 102 پوائنٹس کے ساتھ چوتھے اور جنوبی افریقی ٹیم 99 پوائنٹس کے ساتھ پانچویں پوزیشن پر ہے۔پاکستان ٹیم نے جنوبی افریقہ کیخلاف سہ فریقی سیریز کے تیسرے میچ میں 6وکٹوں سے شکست دی تھی، قومی ٹیم نے 352رنز کا ہدف 4وکٹوں پر ایک اوور قبل پورا کیا تھا۔جنوبی افریقی ٹیم نے پہلے بیٹنگ کرتے ہوئے پاکستان کیخلاف اس کی اپنی سرزمین پر سب سے بڑا ٹوٹل 351رنز بنائے تھے تاہم پاکستان کی جانب سے کپتان محمد رضوان اور نائب کپتان سلمان علی آغا نے سنچریاں اسکور کرتے ہوئے چوتھی وکٹ کیلئے 260رنز کی ریکارڈ شراکت قائم کی تھی۔
