لاہور( این این آئی)قومی کرکٹ ٹیم کے سابق کپتان بابر اعظم کی کیوی اسپنر مائیکل بریسویل کے خلاف مشکلات برقرار ہیں۔لاہور میں جاری سہ فریقی ٹورنامنٹ کے پہلے میچ میں نیوزی لینڈ کے اسپنر مائیکل بریسویل نے بابر اعظم کو انٹرنیشنل کرکٹ میں ساتویں بار آئوٹ کر دیا۔ بابر اعظم 10 رنز بنا کر آئوٹ ہوئے۔اس سے قبل مائیکل بریسویل بابر اعظم کو ون ڈے انٹرنیشنل اورٹیسٹ فارمیٹ میں ایک، ایک جبکہ ٹی ٹونٹی میں چار بار شکار بنا چکے ہیں۔
