ممبئی (این این آئی) بالی ووڈ اداکارہ راکھی ساونت نے بھارتیوں کی نفرت کا ذمے دار ثانیہ مرزا کو ٹھہرا دیا۔پوڈ کاسٹ میں گفتگو کرتے ہوئے راکھی ساونت نے کہاکہ میں تو پاکستان آ رہی ہوں، میں جانتی ہوں کہ میرا ملک ابھی مجھ سے ناراض ہے کیونکہ میں پاکستانی سے شادی کرنا چاہتی ہوں لیکن مجھے یقین ہے کہ وقت کے ساتھ ساتھ وہ مان جائے گا، مجھے تسلیم کر لے گا۔انہوںنے کہا کہ بھارتیوں کا ناراض ہونا بنتا بھی ہے کیونکہ انہوں نے بھارتی ٹینس اسٹار ثانیہ مرزا کی شادی کا انجام دیکھا ہے اس لئے وہ غم میں ہیں لیکن یہ سب کی اپنی اپنی قسمت ہے۔انہوں نے کہا کہ یہ ضروری تو نہیں کہ ثانیہ مرزا کی شادی کا انجام برا ہوا تو میرا بھی ایسا ہو، کسی کو جج نہیں کر سکتے، ہو سکتا ہے میری شادی کامیاب ہو جائے۔راکھی ساونت نے کہا ممکن ہے میرا شوہر مجھ سے بہت محبت کرے اور مجھے کبھی نہ چھوڑے، میری شادی کامیاب ہو اور کبھی نہ ٹوٹے۔
