اسلام آباد(این این آئی)سینیٹر فیصل واوڈا نے کہاہے کہ ٹی وی شو پر پہلے ہی بتا دیا تھا کہ پی ٹی آئی کو ان کے ٹرمپ کارڈ پر مایوسی ہوگی۔سماجی رابطے کی ویب سائٹ ایکس پر جاری اپنے ایک بیان میں سینیٹر فیصل واوڈا نے کہاکہ پاکستان کیلیے اچھی اور بڑی خبر، جیسا کہ میں نے آپ کو ٹی وی شو میں قبل از وقت تاریخ سمیت بتادیا تھا کہ 28جنوری 2025کو پاکستان کیلئے ٹرمپ کارڈ کی بہتر اور مثبت ہوائیں چلیں گی۔انہوںنے کہاکہ تاریخ میں ٹرمپ ٹیم کے حالیہ دورے میں پاکستان کیلئے سرمایہ کاری کے معاہدے اور مزید اچھی خبریں متوقع ہیں جس کا جو کریڈٹ ہے وہ اس کو دینا پڑے گا، کامیابیوں کا یہ سلسلہ جاری رہے گا۔