اسلام آباد(این این آئی)پاکستان تحریک انصاف کا وفد اسد قیصر کی سربراہی میں (آج)منگل کو سربراہ جمعیت علما اسلام مولانا فضل الرحمن سے ملاقات کرے گا۔تفصیلا ت کے مطابق بانی پی ٹی آئی کی جانب سے پارٹی رہنماؤں کو اپوزیشن جماعتوں کا اتحاد بنانے کی ہدایت کی گئی تھی جس کے بعد تحریک انصاف کے رہنماؤں کی مولانا فضل الرحمان سے (آج)منگل کو ملاقات طے پاگئی ہے اور اسد قیصر کی سربراہی میں وفد ملاقات کرے گا،پی ٹی آئی کے وفد میں عمر ایوب اور صاحبزدہ حامد رضا سمیت دیگر رہنما شامل ہوں گے۔ ملاقات کے دوران سیاسی و پارلیمانی امور اور تحریک تحفظ آئین پاکستان کے ایجنڈے پر بات ہوگی جبکہ جے یو آئی اور پی ٹی آئی کے مشترکہ نکات کو آگے بڑھانے پر بھی بات چیت کی جائے گی۔اس حوالے سے صاحبزادہ حامد رضا نے کہاہے کہ مولانا فضل الرحمن کو تحریک تحفظ آئین پاکستان میں شمولیت کی دعوت دیں گے۔