کراچی (این این آئی) معروف ڈرامہ نگار خلیل الرحمن قمر نے اداکارہ یمنی زیدی کو بے مثال اداکارہ قرار دے دیا۔ خلیل الرحمن قمر نے حال ہی میں ایک ویب شو میں بطور مہمان شرکت کی جہاں انہوں نے مختلف موضوعات پر گفتگو کی۔شو میں ان سے ڈرامہ سیریل جینٹل مین میں اداکارہ یمنی زیدی کے ساتھ کام کرنے کے تجربے کے بارے میں بات کرتے ہوئے خلیل الرحمن قمرنے کہاکہ میں نے یمنی زیدی کے ساتھ پہلے بھی کام کیا ہے اور ابھی ان کے ساتھ دوسری بار کام کر رہا ہوں۔انہوں نے کہا کہ وہ کلاس کی اداکارہ ہیں اور اپنے کام میں بے مثال ہیں۔
