ممبئی (این این آئی)بھارتی اداکارہ ومیکا گابی نے بالی ووڈ کے سینئر اداکار اکشے کمار کی فلم بھوت بنگلہ کے لیے شوٹنگ شروع کر دی۔بھارتی میڈیا کے مطابق اکشے کمار ان دنوں جے پور میں اپنی آنے والی فلم بھوت بنگلہ کی شوٹنگ میں مصروف ہیں اور اب ومیکا گابی نے بھی فلمی سیٹ پر انہیں جوائن کر لیا ہے۔اس حوالے سے اداکارہ نے اپنے سوشل میڈیا اکانٹ پر اپنی ایک تصویر بھی شیئر کی ہے جس میں انہوں نے اپنا چہرا چھپا رکھا ہے۔اس سے قبل رواں ہفتے فلم کی کاسٹ میں شامل سینئر اداکار پریش راول نے بھی فلم کے سیٹس سے اپنی اور اکشے کمار کی تصویر سوشل میڈیا پر شیئر کی تھی۔گزشتہ ماہ اکشے کمار نے سوشل میڈیا اکانٹ پر فلم کا پہلا پوسٹر بھی جاری کیا تھا جس میں انہوں نے بتایا تھا کہ یہ فلم 2 اپریل 2026 کو ریلیز ہو گی۔بھارتی میڈیا کے مطابق یہ ڈرانی لیکن مزاحیہ فلم اکشے کمار اور ایکتا کپور کے پروڈکشن ہائوسز مشترکہ طور پر پروڈیوس کریں گے۔
