اسلام آباد(این این آئی) رہنما مسلم لیگ ن عابدشیرعلی نے کہا ہے کہ بانی پی ٹی آئی کیخلاف کوئی سیاسی کیس نہیں ہے۔نجی ٹی وی کے پروگرام میں گفتگو کرتے ہوئے عابد شیر علی کا کہنا تھا کہ نومئی کو ملک میں جلاؤ گھیراؤ کیا گیا، پی ٹی آئی دور میں بھی سویلین کے ملٹری ٹرائل ہوئے، ملک میں آزاد عدلیہ ہے، اگر عدالتیں رہا کرتی ہیں تو عمران خان رہا ہو جائیں گے۔انہوں نے مزید کہا کہ مذاکرات ملک میں معاشی استحکام لانے کے لیے کر رہے ہیں، پی ٹی آئی کا پورا انحصار امریکا، یورپ پر ہے، بانی پی ٹی آئی کے کیسز پاکستان کا اندرونی معاملہ ہے، حکومت کی ترجیح عوام کوریلیف دینا ہے۔
