ممبئی (این این آئی)بھارت کے ابھرتے ہوئے اسٹار اداکار ارجن کپور نے کہا ہے کہ سلمان خان بدمعاش نہیں، انہیں اکثر غلط انداز میں دیکھا جاتا ہے۔ارجن کپور نے حالیہ پوڈکاسٹ میں سلمان خان کے انداز کے بارے میں بات کرتے ہوئے ان کے فلمی کام اور شائقین کے ساتھ تعلقات کی تعریف کی۔انکا کا کہنا تھا کہ سلمان خان کو اکثر غلط انداز میں دیکھا جاتا ہے، لیکن حقیقت میں وہ بہت گرم جوش اور عوام کیلیے کام کرنے والے انسان ہیں۔ارجن کپور نے کہا کہ ‘وہ بدمعاش یا سخت مزاج نہیں۔ جب آپ ان کے ساتھ چند منٹوں میں گرم جوشی محسوس نہ کریں تو آپ کو لگتا ہے کہ وہ کسی خاص طرح کا رویہ اپنا رہے ہیں۔انہوں نے یہ بھی کہا کہ سلمان خان بہت گرم جوش انسان ہیں، بس وہ اسے پہلے ہی لمحے میں ظاہر نہیں کرتے۔ آپ کو وقت دینا ہوگا تاکہ وہ اپنا رویہ ظاہر کر سکیں۔ارجن کپور نے سلمان کے کیریئر پر روشنی ڈالتے ہوئے مزید کہا ‘انہوں نے ہمیشہ سنیما کو عوام کا میڈیم سمجھا ہے، انہوں نے کبھی اسے صرف ایک فنکار کے طور پر نہیں دیکھا۔ وہ عوام کیلیے کام کرتے ہیں۔خیال رہے کہ ارجن کپور سلمان خان کی فلم ‘وانٹڈ’ کے اسسٹنٹ ڈائریکٹر بھی رہے ہیں۔ ارجن کا نام ملائیکہ اروڑا کے ساتھ بھی جڑا رہا، جو پہلے سلمان کے بھائی ارباز خان کی اہلیہ تھیں۔ ارجن کی فلم ‘تیور’ میں ایک گانا ‘سپر مین: سلمان کا فین’ بھی شامل تھا۔
