کراچی(این این آئی)بلاول بھٹوزرداری سے سندھ لائیو سٹاک ڈیپارٹمنٹ کے وزیر محمد علی ملکانی نے ملاقات کی۔بلاول بھٹو زرداری کو ملاقات کے دوران محمد علی ملکانی نے محکمے کی کارکردگی سے متعلق بریفنگ دی۔بلاول بھٹو کو بتایا گیاکہ لائیو سٹاک کا ملک کے جی ڈی پی میں 14فیصد حصہ ہے، سندھ کا انسٹی ٹیوٹ آف اینیمل ہیلتھ 74اقسام کی جانوروں کی ادویات خود تیار کرتا ہے۔محمد علی ملکانی نے بتایا کہ سندھ لائیو سٹاک ڈیپارٹمنٹ جلد ایف ایم ڈی ویکسین تیار کر لے گا جو گوشت کی برآمد میں معاون ثابت ہوگی۔انہوں نے بلاول بھٹو زرداری کو بتایا کہ سندھ میں جلد لائیو سٹاک کی نمائش کا انعقاد بھی کیا جائے گا۔
