نیو یارک (این این آئی)مائیکرو سافٹ نے ونڈوز 11کیلئے ونڈوز ہیلو کو ری ڈیزائن کر دیا۔ میڈیا رپورٹ کے مطابق چہرے اور فنگرپرنٹ سمیت دیگر طریقوں سے صارف کی شناخت کی تصدیق کرنیوالے سسٹم کو ونڈوز 11 میں ری ڈیزائن کیا جارہا ہے،ابھی ونڈوز ہیلو کا نیا ڈیزائن بیٹا (beta)ورژن میں محدود افراد کو دستیاب ہے،نئے ڈیزائن میں نئے آئیکونز دیئے گئے ہیں اور پاس کیز کے فیچر کو بہتر بنایا گیا ہے۔یہ نیا یوزر انٹرفیسن نہ صرف ونڈوز 11 کے لاگ ان اسکرین پر نظر آئے گا بلکہ جب آپ ویب سائٹس اور ایپس پر پاس کیز کے ذریعے سائن ان ہوں گے تو جب بھی یہ کام کرے گا۔کمپنی کی جانب سے جاری بیان کے مطابق ہم نے ونڈوز میں پاس کیز کے ذریعے صارف کی تصدیق کے سسٹم کو ری ڈیزائن کیا ہے تاکہ یہ عمل زیادہ محفوظ اور برق رفتار ہو جائے۔بیان میں بتایا گیا کہ صارفین آتھنتیکیشن آپشنز جیسے پاس کیز اور دیگر کا انتخاب کرسکیں گے۔مائیکرو سافٹ کی جانب سے ابھی صرف ونڈوز 11 پاس کیز سپورٹ دی گئی ہے مگر اس کیلئے موبائل ڈیوائسز سے کیو آر کوڈ اسکین کرنا ہوتا ہے مگر نئے یوزر انٹرفیس میں اس عمل کو زیادہ بہتر بنایا جا رہا ہے۔
